SCVG အဖွဲ့မှာ Executive Director အဖြစ် တာဝန်ထမ်းဆောင်ခွင့်ရတာဟာ အလွန်ဂုဏ်ယူစရာကောင်းပါတယ်။ SCVG ရဲ့အနာဂတ်မျှော်မှန်းချက်က လူငယ်တွေအတွက်ပဲဖြစ်ပြီး ဒီလူငယ်တွေကို  သင်ယူစရာအခွင့်အလမ်း တွေ၊ တီထွင်ဖန်တီးနိုင်တဲ့အခွင့်အလမ်းတွေ ပေးထားတယ်။ SCVG မြင်ချင်တာက လူငယ်တွေရဲ့ကြိုးပမ်းမှုကြောင့် လူငယ်တွေအတွက် ကောင်းကျိုးတွေဖြစ်ထွန်းလာမယ်၊ ပြီးရင် လူ့အသိုင်းအဝန်းအတွက် ကောင်းမွန်တဲ့ရလဒ်တွေကို ဆောင်ကျဉ်းပေးနေတယ်ဆိုတာပါပဲ။ ဒါတွေကို ဦးဆောင်အကောင်အထည် ဖော်ရတဲ့ လူငယ်တစ်ယောက်အနေနဲ့ နောက်ထပ် တန်ဖိုးရှိတဲ့ လူငယ်ပေါင်းမြောက်များစွာ မွေးထုတ်ပေးနိုင်ရမယ် ဆိုတဲ့ယုံကြည်ချက်နဲ့ အလုပ်လုပ်နေပါတယ်။

ကျွန်တော်တို့နိုင်ငံတော်အစိုးရအနေနဲ့ ဆင်းရဲနွမ်းပါးမှု လျော့ကျရေးနဲ့ တိုင်းပြည်ဖွံ့ဖြိုးတိုးတက်ရေးအတွက် မူဝါဒတွေချမှတ်ပြီး အမျိုးသားဘက်စုံဖွံ့ဖြိုးတိုးတက်ရေးစီမံကိန်းတွေရေးဆွဲဆောင်ရွက်လျက်ရှိပါတယ်။ နိုင်ငံသူနိုင်ငံသားတွေကလည်း တစ်တပ်တစ်အားပါဝင်လုပ်ဆောင်နေကြသလို ကျွန်တော်တို့ ကလည်း အရပ်ဖက်လူ့အဖွဲ့အစည်းတစ်ရပ်အနေနဲ့ တတ်နိုင်တဲ့ဘက်က တက်ကြွစွာပါဝင် ဆောင်ရွက်နေပါတယ်။

နိုင်ငံတော်၏ ဒီမိုကရေစီအသွင်ကူးပြောင်းရေးလုပ်ငန်းစဉ်၊ ငြိမ်းချမ်းရေးတည်ဆောက်မှုလုပ်ငန်းစဉ်နဲ့ နိုင်ငံတည်ဆောက်ရေးလုပ်ငန်းစဉ်တွေ ဖော်ဆောင်ရာမှာ ကျွန်တော်တို့ SCVG အဖွဲ့၏လုပ်ဆောင်မှုတွေက အုပ်တစ်ချပ် သဲတစ်ပွင့်ဖြစ်လာမယ်ဆိုတာ မလွဲဧကန်ယုံကြည်မိပါကြောင်း။

အောင်လင်းကြည်

အမှုဆောင်ဒါရိုက်တာ